مصر دي غابة...وحوش وديابه

فيها كلمة الأقوي هي الغلآبة...

لو أبوك باشا يبقي يا بختك

يلا روح كل حق الغلابة

لا في ضابط ولا رابط..ماشيين بالبركة

والخير بيعدي علينا زي سحابة

لو عايز تقول رأيك بصراحة؟!!

تلقي الباشا علي قفاك ويقولك.. قول حاحا!!

كلمة "لأ" دي ملغية من قاموس اللغة العربية

نعمين وحاضر حتي لو لبسوك ملس وقالولك يا وليه

لو حتقول يا حرية؟..يا عيني يا ولداه

تاني يوم هتروح في قضية

إمشي جنب الحيط..وإبعد عن الشر وغنيله

لحسن تضيع في شربة مية..

إوعي تقول ديموقراطية..دي كلمة قبيحة

جاية من بلاد الفرنجة الغربية

انا مش عارف إمتي يا مصر تحسي بقيمتك؟!!

دا انتي كبيرة وغالية ولا في زيك

كفاية أهلك...نيلك...شمسك

إمتي تفوقي وتحكمي عقلك؟!!!

أتمني قريب..علشان عيالك وبدعي للي زيك