مالك يا بلد
مالك يا بلد...
اية اللي غيرك وعجزك وشيبك
...مين اللي سرق ضحكتك
...لية ضهرك اتحني
...لية ضاع شبابك وعودك اللي اتبني
لية بقيتي قاسية علي ولادك
فين حنيتك؟!
..يا اللي كان شعرك غطي
وحضنك دفا وعنيكي حب و صفا
...راح فين كل دة راح فين شبابك وقوتك
يمكن عفي عليكي الزمن
...لكن لأ دا انتي من زمان مستحملة في عز الضنك والالم
مالك يا بلد...
لية مزعلة عيالك دة مفيش أحلي من حضن الضني
بيقاسوا وبيتعبوا ومفيش رجي أو أمل
..لحد إمتي تفضلي كدة؟
لحد إمتي تفرطي فيهم بالرخيص ومن غير تمن
وسيباهم للديابة تنهش لحمهم
كفاية بقي..كفاية بقي..
مدي إيديكي ليهم تاني ولمي شملهم
حسي بيهم وشاركيهم همهم
إفتحي ليهم بابك من جديد واتبسمي إبتسامة أمل مع ضحكة كل طفل وليد
اضحكي..واجري..وافرحي
وهدي سور اليأس اللي إتعمل دة لسة في أمل
مالك يا بلد..مالك يا بلد؟
3 comments:
البلد حزينة علي ولادها
ما احنا لما بنجيب سيرته بتزعلوا
انتوا اكيد عارفينه
عارفين كويس اوي مين هو اللي سرق ضحكة البلد
2l balad 3ayza walad bas ma7adesh fadi !!!!!!!!!!!!
اللى كتبته جميل بجد فنيا وانت بجد موهبتك واضحة شعر او نثر....
ولو انى بختلف معاك يعنى مش السؤال يبقى (مالك يابلد؟) بس السؤال يبقى (مالنا احنا؟مال الناس؟) يعنى مش احنا اللى بنام ومش بنشتغل وفى المقابل بنلعب ونحل كلمات متقاطعة!؟ ولا يعنى مش احنا اللى بنرمى فيها الزبالة ونهدم كل الحلو اللى كان فيها...!!!؟؟؟
Post a Comment